HStAOrient5a: 70v

levḥ‑i maḥfūẓda mersūm olan meʿānīʾyi libās‑i ṣuverde cilve‑ger // qılur ki ṣuver‑i mezbūre ol meʿānīye münāsib ve anları // muḥākī ola. Ve nümāyiş‑i meẕkūr gāh beşāret [ü] terġīb içün // olur ve gāh inẕār u terhīb içün olur. Ve bu aqsām‑i s̱eles̱enüñ // vücūdına delīl muḫbir‑i ṣādıquñ qavlidür ki Ebū // Hüreyre rażiya llāhu taʿālā ʿanhū resūlu llāhdan ṣalavātu llāhi // ʿaleyhi ve‑selāmuhū rivāyet ėder: Ar‑ruʾyā ṯalāṯun fa‑ruʾyā bušrā // mina llāhi wa‑ruʾyā taḥḏīrun mina š‑šayṭāni wa‑ruʾyā yuḥaddiṯu // bihā l‑insānu nafsuhū fa‑yarāha fī n‑nawm. [Tamma] l‑ḥadīṯ.// Mirṣādü l‑ʿUbād ṣāḥibinüñ Menārāt [adlu] kitābından // tercüme olınmışdur ki ẕikr olınur. Ammā ḥaqīqatu n‑nawm ilā āḫirihī. // Yaʿnī ḥaqīqat‑i nevm nefsüñ ālāt‑i ḥavāssı muʿaṭṭal qılmasıdur // ki rāḥat ecli içün[dür]. Zīrā ālāt‑i ḥavāss [!] ālāt‑i cismānīyedür // her biri bir māddede ḥāl olmış ṣūretdür. Pes cemīʿ‑i // ecsāma ʿārıż olan fütūrdan bunlara daḫı kelāl // ü fütūr ḥāṣıl olur. Bu taqdīrce ḥālet‑i ūlāya ʿavdet // ėtmege ırāḥata mużṭarr olur ki ʿārıż olan nefs // naqṣ u ḫalele bedel‑i mā‑yeteḫallel ḥāṣıl ola. Mes̱elā ʿayn // ki büṭūn qaçan naẓara meşġūl ola fiʿl‑i rüʾyeti tamām